Hallefasnacht 24

Nid nur dr Tag vom traditionelle Strooseumzug het sich gänderet! Nei das Joor probiere mr e huuffe neui Sache us! Natürlich müen mir de neui Gmeini-Turm ordentlich yweihe! Dorum findet nachem Umzug, zwüsche 17:30 bis 19:00 und vo 20:00 bis 21:30 uf dr neue Stääge näbem Gmeini-Palast, e grosses Guggekonzärt statt.
Nachdäm isch no lang nid Schluss!! Au dr Hallebetrieb het sich grundlegend veränderet. Es wird das Joor in dr Halle nur no Getränk geh. Us logistische & organisatorische Gründ hän mir uns drzue entschide, uf d Kuchi z verzichte! Aber kei Angst! S muess niemer verhungere! Rund um d Wehrlinhalle sin drei Food-Trucks,wo dir euch öpis zem Ässe chönet hole! Das dörf sälbstverständlich in dr Halle, gmüetlich amene Tisch, zämme miteme faine Gleesli Wyy verspiese wärde!
Natürlich wirds au in dr Halle nid liislig si! Näbst gueter Musik wärde au dört ab de 21:30 regelmässigi Guggekonzärt stattfinde!!!
Mir vom Comite sin gspannt wie das wird, aber zueversichtlich dases grandios wird! Dorum chömet alli am SAMSTIG 10.02.24 uf Oberwil!

Den es gilt wie immer:
D Schnägge-Fasnacht isch dr Hit, jede rächte Schnägg macht mit!
Bis bald!