Dr Mäntig Nomitag ghört de Binggis!

Am zwei träffe mr uns uf em Ysweiher und mache e farbefrohe und kunterbunte Umzug ufe zum Wehrlin! Dorum ziehmer unsers Schönste Kostüm a, nämme unseri schönsti Larve und packe unseres Piccolo, unseri Trummle oder d Rätschi ins Leiterwägeli und laufe gmeinsam. Bim Wehrlin warte die grosse, schöne Waggiswäge und chöne bestunt wärde und d Binggis chöne sälber mol ufe Waggiswage go.

Leider chönne mr das Joor die beliebti Waagerundfahrt mit de Binngis nüm mache. Ufgrund vo de neue Sicherheitsvorkehrige isch das Risiko leider nüme tragbar. Mir beduure de Entscheid sehr, hoffe aber das ihr das verstöhnd.

In dr Wehrlinhalle warte verschideni tolli Programmpünkt uf die Chleine und au für die Grosse gits e gluungene Nomitag.

Dr Alass goht bis am 5i.

Drum chömet doch alli mit eurne Kostüm und Larve verby, und sind an dr Kinderfasnacht im Wehrlin drby!