Cherusball

Dr Cherusball oder in andere Wort au «Usewüschete» oder «Usecherete» isch näbscht emFasnachtsfüür dr Abschluss vo dr Oberwiler Fasnacht. Ganz früener isches no unterem Name«Maskeball» gloffe. E riiise fescht isch das gsi hän mir uns saage lo. Drnoch isch dr Name gänderetworde in ebe dä Cherusball. Uf eimol hets en nüme geh und d Oberwiler Fasnacht isch mitemtraditionelle Fasnachtsfüür z End gange. S Comite hets nonemol probiert und het mit dr«Usewüschete» welle e Abschluss setze für d Schnägge Fasnacht. Doch au das het nid Funktioniert.Aber eifach eso ohni Cherus gohts jo ebe doch au nid!Zum die Tradition am läbe z bhalte hän sich zwei Oberwiler Clique zämme do.Scho zum 5. Mol organisiere d «Nachtwyber-Schnägge» und d «Schnägge Spalter» unteremfusionierte Name «Nachtspalter» dr Cherus z Oberwil.Au in däm Joor findet dr traditionelli Cherusball wider statt.Fritig, 16.02.24Ab 19:30Wehrlinhalle OberwilYtritt: 15.- Mit Kostüm: 10.- Als Maske: GratisPS: Ringelsocke sin denn kei Kostüm!